SEAT ја започна втората половина од годината и со рекордно темпо. По најдобриот прв полугодишен резултат во историјата на брендот, испораките на SEAT во јули се зголемија за 35,7% во споредба со истиот месец во 2017 година, достигнувајќи вкупно 52.700 продадени возила. Со овој резултат, SEAT го објави најдобриот месец во историјата на компанијата, надминувајќи ја претходната рекордна бројка поставена во 2001 година.
Од јануари до јули оваа година, SEAT продаде 342.700 возила, што претставува пораст од 20.1% во однос на истиот период во 2017 година и оствари најголем обем на продажба во првите седум месеци од годината. Претходниот рекорд беше поставен во 2000 година со 324.400 возила.
Потпретседателот на SEAT за маркетинг и продажба, Вејн Грифитс, истакна дека "зголемувањето на продажбата од јануари нè поставува како предводник на најбрзо растечките брендови во Европа. SEAT објавува рекордни количества на испорачани возила благодарение на офанзивата на моделите вклучувајќи ги Ateca и Arona. Еден од секои три возила што во моментов ги продаваме е SUV, а оваа бројка ќе се зголеми во следните неколку месеци со консолидација на Arona и со лансирањето на пазарот на Tarraco ".
